Haters多到影片未出街就dislike 吳若希自認「斯文敗類」 坤哥一招解決負評

·2 分鐘文章

YAHOO TV節目Mean傾今期搵到2位喺社交媒體「形象鮮明」嘅TVB藝人吳若希同吳業坤,討論藝人形象呢個話題。Jinny向來敢於同網民「開拖」,早排又捲入要求刪相事件;而坤哥一向被指係「偽毒」,但佢嘅網上唱歌片亦吸納唔少樂迷,可謂「成也網民敗也網民」。

講到藝人係咪有指引邊啲可以做邊啲唔可以做?吳若希話「唔該做嘅都做晒」,主持盧覓雪立即食住上叫Jinny舉例,佢就認為外界覺得女藝人要斯文,而自己「斯文敗類形象都鮮明嘅」,另外就係做咗媽咪就要講嘢大方得體,但Jinny自問做唔到,立即被另一主持梁柏堅抽秤「你成日鬧你老公打機」!

Haters多到影片未出街就dislike 吳若希自認「斯文敗類」 坤哥一招解決負評
Haters多到影片未出街就dislike 吳若希自認「斯文敗類」 坤哥一招解決負評

而坤哥就覺得形象靠自己維持,尤其是而家個個都睇社交媒體,佢又否認將自己包裝成毒男,一切都只係觀眾投射。

有fans自然亦有haters,最近開埋youtube channel嘅Jinny試過條片未上架就有人負評,俾著以前著緊事業可能已經好介意,但係而家就一笑置之,甚至覺得有人鬧條片先多人睇。而坤哥亦都睇透haters套路係想激嬲藝人,而佢嘅應對方法就係認同對方,等個話題完咗就算!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能