Ian期待今年開騷 Edan再提「脫粉潮」:唔係咁大件事

Ian期待今年開騷-edan再提「脫粉潮」:唔係咁大件事

男團MIRROR成員陳卓賢(Ian)與呂爵安(Edan)昨日(1日)現身「西九音樂節」,除咗獻唱多首歌曲外,更即場化身陳老師教在場觀眾大合唱「Hoah-eh-oh-oh」,認真搞笑!他受訪時被問到會否想開個人演唱會,他表示希望今年內成事,而開騷場地就冇所謂:「想多啲支持我嘅入到場聽,畀佢哋有舒適啲嘅環境就好。」

Edan於台上重提MIRROR脫粉潮,佢受訪時表示:「上次訪問係問我有冇『脫粉潮』,我話『係咩?有咩?我唔知』,個意思被人誤會咗,不過唔緊要,我喺度再講過,冇覺得有『脫粉潮』,呢個言論係因為見到社交網幾張賣應援嘅圖,但都係幾張啫。由出道到依家都會有粉絲唔再追,我覺得唔係咁大件事,我哋都唔覺有咁嘅現象,當然要繼續做好啲。」

Edan又唱又跳!
Edan又唱又跳!
Ian想多啲支持佢嘅入到場聽。
Ian想多啲支持佢嘅入到場聽。