Ian陳卓賢夥拍小薯茄阿冰拍廣告 花姐驚喜客串做譚仔姐姐 網民:睇到人又喊又笑

·2 分鐘文章
陳卓賢(Ian)、阿冰 & 花姐
陳卓賢(Ian)、阿冰 & 花姐

最近各大品牌都爭住邀請MIRROR成員拍廣告,近日連鎖米線食肆都搵咗MIRROR成員Ian(陳卓賢)夥拍小薯茄成員阿冰拍全新微電影廣告「記憶嘅味道 一直喺度」,最過癮係連MIRROR經理人花姐都有份客串扮演譚仔姐姐。

故事主要講述Ian同阿冰喺讀書時期拍拖相戀、鬧交分手、之後Ian要到外國留學、直至回港喺米線店重遇阿冰。用唔同程度嘅辣,貫穿成個故事。而片尾亦有驚喜彩蛋,就係花姐壓軸出場,佢仲講得一口流利「譚仔話」,喜感十足!唔知譚仔三哥會唔會考慮搵七仙羽同花姐一齊扮譚仔姐姐呢?

唔少網民睇完之後都紛紛留言大讚,例如「Ian中學生look毫無違和感 尾段花姐彩蛋好正、開始有心跳」、「真係回憶既味道番晒黎 加上Ian阿冰拍得好自然,花姐都好攪笑 好睇」、「睇到人又喊又笑....好多青春回憶湧出黎,拍得好好,Ian同呀冰好配合角色,由中學演到進入職場......果種記憶中味道!彩蛋花姐令人本來傷感即刻轉番開心happy ending」及「好有水準微電影廣告,睇到好感動!Ian真係帶出個種又甜又苦又辣味道回憶感覺! 睇完觸動眼淚,跟著花姐彩蛋即刻笑出來」等等。

影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能