J.Arie講初夜 唔介意封「性女」

東方日報
·1 分鐘文章
雷有輝與J.Arie有信心音樂劇能做得成。
雷有輝與J.Arie有信心音樂劇能做得成。

歌手雷有輝(Patrick)與雷深如(J.Arie)等前晚開Live與粉絲互動。原本今年3月演出音樂劇的他們,因疫情一再延期,至今演出遙遙無期,故決定先開Live「熱身」。

對於音樂劇,他們仍充滿信心,Patrick說:「延期啫!冇話唔做喎!(覺唔覺得不幸?音樂劇延期、自己嘅演唱會亦一改再改?)不幸中之大幸囉!只要疫情過去就一定會做,大家餓睇騷咁耐,音樂係精神食糧,唔會放棄。」

而J.Arie新歌《陰陽道具 HYSTERIA》講述性上癮,MV被社交平台列入「18禁」,連帶影響廣告宣傳,她無奈地說:「惟有開個節目講性,會請嘉賓攞住性玩具分享。(你講初夜?)有咩唔講得?(去到咁盡,驚唔驚被封性女?)我唔介意,都係講真實嘢啫!」

【相關搜尋】J.Arie強尼情慾戲