J.Arie「性」在大食 鍾意男友苛索

東方日報
·2 分鐘文章
J.Arie在MV有大膽動作,被朋友嫌淫邪!
J.Arie在MV有大膽動作,被朋友嫌淫邪!

歌手雷深如(J.Arie)最近為新歌公開談性,自言不擔心嚇怕追求者,還揚言在性方面是「大食妹」,亦鍾情「大食男」,早前更化身「性女廚神」教整牛四寶為男士進補。

J.Arie近日為電台節目《生活有得簡》進行錄音,提到為宣傳新歌《陰陽道具》而變身「性女」,她說:「我自己拍咗個節目講性,啱啱播咗第1集,係帶大家去參觀性商店,又喺另一個網上頻道下廚,炮製牛鞭、牛歡喜、牛波子同牛袋成暗黑料理,例如牛歡喜杧果布甸、芝士白汁焗牛波子。」今次為新歌豁出去,她揚言可一不可再:「有朋友話睇完我個MV,見到我做任何嘢都覺得我係淫邪,對我完全改觀!其實私下大家都會講吓鹹濕嘢,佢只係冇諗過我會喺螢光幕前大解放。」又稱幸好9成半網友的評價都是正面。

冇嚇走追求者

大膽談性事,問到前度們有否怕被爆料而抗議?J.Arie笑說:「佢哋唔驚,都知我係乜嘢人!(依家有冇拍拖?)我有物色中嘅人,又有人物色我,哈哈!其實都有心儀對象嘅。(驚唔驚嚇怕追求者?)冇喎!依家啲人好開放,如果嚇怕咗佢即係同我性格不合,咁保守點同我溝通?佢哋依家知道我咁大食,不單止唔驚,反而係驚喜。(邊方面大食?)當然係性事!我都鍾意大食嘅男仔,可惜未遇到。」

另外,談到今後目標,她希望可以在2022年自資推出新碟,並有意買下她在舊公司的歌曲版權,將舊歌放在新碟中。

J.Arie到電台錄音,順道宣傳新歌。
J.Arie到電台錄音,順道宣傳新歌。