雅虎香港新聞 確診隔離令 1.30 起撤銷｜國泰工會開始按章工作｜高盛料今年樓價跌幅收窄｜苟芸慧夫妻關係據報破冰｜1 月 20 日・Yahoo 早報
早晨！今日係 2023 年 1 月 20 日星期五，天文台預測本港地區今日大致多雲，初時有一兩陣微雨。日間部分時間有陽光及乾燥，最高氣溫約 20 度。吹和緩東北風，稍後吹清勁東風。
本港防疫措施再放寬：政府昨宣布本月 30 日起撤銷「隔離令」，即檢測呈陽性的市民，當日起不再需強制隔離，對上班族而言，即不會因確診而自動獲發病假，病者需求醫和按病情索取病假紙，安排與一般疾病無異。不過，政府強烈建議風險較高的院舍員工，一旦檢測呈陽性便不應再返回工作地點，他們其間亦會獲支薪，院舍因而產生的額外開支會由政府承擔，而「口罩令」則維持。
醫務衞生局長盧寵茂昨日指，雖然政府將新冠肺炎當作上呼吸道疾病管理，惟強調新冠與流感病毒有分別，「新冠係流感以外嘅另一種呼吸道感染」，兩者可以同時感染，或造成疊加效應、「絕對唔係1+1等於1，係1+1可能大於2」。
後天便是大年初一，不少市民趁免檢疫通關北上度歲或探親，致連日來全港多個檢測站均大排長龍做核酸檢測，冀盡快取得報告過關回鄉。惟在深水埗楓樹街的社區檢測站，前晚球場熄燈後仍有數百人聚集。最後有市民指冒寒苦候近 9 小時才完成檢測，狠批中心人手不足觸發亂象。
本港疫情，昨新增 4,015 宗確診，較昨日略回升，包括 122 宗輸入個案，及增 45 人死亡，當中包括 4 歲男童確診後不治，他已接種兩針，本港累計死亡個案達 13,010 宗。
另外，國泰空中服務員工會昨日發起進一步行動，籲前線員工按章工作，包括員工在休息日不應接受公司要求工作。有報章記者表示，國泰登記櫃位未有張貼標語，旅客辦理登機手續流程大致上平靜暢順。
財經方面，本港去年 10 至 12 月失業率 3.5%，為連續 8 個月下跌，同時是疫情爆發以來最低水平，近三年來僅次於2019年11月至2020年1月的3.4%。最新失業人數為12.6萬人，減少約1.27萬人。
高盛發表報告指出，去年香港樓價下滑15%，成交萎縮37%，但內地重開邊境及美國加息接近尾聲，本地樓市有望復甦；相信通關有助改善經濟前景，加上股市向好產生財富效應，把今年樓價預測由跌15%、往後兩年均持平，調升至今年下滑10%、之後兩年各升4%。
娛樂方面，苟芸慧與錫礦大王後人兼賽車手陸漢洋結婚5年，但傳婚變傳足近2年，雙方一直封口不提，更有指女方已搬離愛巢分居。不過，有報章報道話兩夫妻於 3 個月前終於破冰，陸漢洋馬拉松式持續施冧功，終箍煲成功，苟芸慧被軟化，近日更再以兩夫婦的姿態重新活躍於社交圈。
年近歲晚，不少藝人選擇外遊度歲。人氣男團MIRROR成員Edan與家人到法國歎世界，而隊長Lokman則選擇到日本迎接新一年。至於另一位成員Ian則留守香港，繼續為工作打拚。
組合「農夫」近年北上發展，廿周年演唱會都不在香港舉行；最近佢哋仲推出新歌《廣東話係我個ex》，呢首歌佢哋更用普通話唱出，歌詞中以愛情比喻廣東歌，暗指廣東歌同世界脫節，已經風光不再。一班香港網民對於佢哋嘅改變感到震驚及失望，仲話佢哋去得盡過Supper Moment。
另外今日仲有一周「爆紅關鍵字」。
一齊睇吓今日重點新聞：
【今日重點新聞】
am730：疫監解鎖 1.30 年初九撤銷隔離令 確診可出街返工 攞病假需睇醫生
am730：同時染新冠流感導致病情嚴重 盧寵茂：絕對唔係1+1=1
【今日重點財經新聞】
信報：失業率跌至3.5% 爆疫後最低位 各行業齊好轉 零售建造顯著
信報：高盛料港樓價降10%跌少截 通關利經濟前景 儲局加息近尾聲
【今日重點娛樂新聞】
東方日報：獨家消息：拉鋸年半終破冰 有米老公馬拉松式箍煲 苟芸慧心軟復合
東方日報：Lokman日本遊「穿越」時空 Edan豪請家人歐遊 Ian留港喊住開工
Yahoo 娛樂圈：農夫進軍內地市場 新歌暗指廣東歌風光不再 網民：為搵錢可以去到幾盡
【爆紅關鍵字・立即搜索】
臨近週末喇，又係時候同大家回顧一周爆紅關鍵字。我們發現以下字眼的搜尋增長度相當之高，大家有無用 Yahoo 搜尋器 search 過以下字眼？不妨撳吓下面嘅連結立即搜索！
－ 高鐵
－ 楊紫瓊
－ 網上預約過關深圳
－ 王嘉爾
－ 年宵花市2023
－ 蘿蔔糕食譜
－ 年糕食譜
－ 生肖運程
