Jer柳應廷被傳撻著《造星4》Alice撇女友 深夜回應「這件事會影響的人實在太多」

MIRROR成員Jer柳應廷近期嘅感情生活備受關注,早前傳出佢同拍拖5年嘅文青女友Kelly感情生變,互相取消關注社交平台戶口。今日又有傳媒報導,Jer同《全民造星4》參加者Alice疑似撻著,而Jer亦喺IG回應傳聞。

根據報導,《全民造星4》去到25強之後分成5組比拼,原導師梁祖堯同許廷鏗卸任,變成MIRROR 及ERROR 5位成員Lokman(楊樂文)、Anson Kong(江熚生)、阿Dee(何啟華)、肥仔(梁業)及Jer接任。而Jer據報同主動埋身嘅組員Alice(許寶恆)非常啱傾,仲私下交換電話,令正印Kelly十分火滾,後來更取消關注Jer社交戶口。

Jer柳應廷被傳撻著《造星4》Alice撇女友 深夜回應「這件事會影響的人實在太多」
Jer柳應廷被傳撻著《造星4》Alice撇女友 深夜回應「這件事會影響的人實在太多」

報導又形容22歲嘅Alice本身有男友,但就周圍同人講自己同男友唔夾,又話Jer有意同Kelly分手,仲覺得大家都唔滿意另一半嘅情況下遇到係緣份。文章提到阿Jer對Alice好小心,但係仍然走漏風聲,仲俾Kelly知道佢冇避忌,兩個人為此吵完大鑊,Jer因為忙於錄音同音樂會而冇時間箍煲。

Jer深夜喺IG出限時動態回應報導,「請不要相信一些不實報道,這件事會影響的人實在太多太多」。

Jer柳應廷被傳撻著《造星4》Alice撇女友 深夜回應「這件事會影響的人實在太多」
Jer柳應廷被傳撻著《造星4》Alice撇女友 深夜回應「這件事會影響的人實在太多」

原本係文員嘅Alice參加《造星4》後備受注目,被外界形容係「翻版朱茵」。雖然歌舞才能方面唔算標青,但都能夠玩到25強而遇上阿Jer。對上一ROUND嘅演出「怎麼可以吃兔兔」就俾評判余迪偉盛讚。

早排傳出Jer 同Kelly感情有變之際,有人發現Kelly喺社交平台post出描寫多角關係嘅日文歌MV﹐而家睇返似乎又好合情合理。後來Jer見記者時承認同女友嗌交,強調只係普通鬧交冷戰,希望外界俾時間佢地。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!