JFFT床哥透露已跟Edan有共識屬玩笑 面對姜濤出頭評「冇品」 床哥：我懷疑佢未了解

JFYT打入叱咤五強，成員之一床哥星期一開live，表示已脫粉的爵屎可以轉投JFYT和Yan Ting（YT），即引發網民討論。之後姜濤更在精華片下面，拋下留言「冇品」，令事件一發不可收拾。姜濤今日出席活動時回應批評床哥「冇品」一事，表示完全不認同對方，並質疑是否一定要用呢個方法拉票。姜濤認為不是一句講笑就沒事。

今晚（27日）JFFT連同Yan Ting開live，YT首先講自己已跟Edan道歉，之後就到床哥直接回應，他首先表示，自己於上星期落區拉票，親自見到很多爵屎，與他們溝通後有感而發，才講出星期一的一番說話：「我係強調已經脫粉嘅，可以投我哋。我直播咩人都會講，唔會因為係MIRROR而唔講，當時只係好輕咁提吓，大約一分鐘，但就被人cap出嚟做文章。」他強調自己不是老屈，不是抹黑，只是分享上星期拉票真正接觸爵屎的體會，床哥：「之後突然有位師兄，我懷疑佢未了解、唔知頭唔知路。我有睇佢今日個訪問，個訪問佢講大家可以了解多啲先，其實呢句說話，可以用返落佢自己度。佢冇了解、冇同隊友溝通，（只講）一句『冇品』。因為呢句，已經令事情收拾唔到，一發不可收拾。」他續指：「佢就擺底兩個字，之後完全唔覆，我係咪就要硬食？」

床哥指，經過中間人YT，他已經親自與Edan有聯繫，大家都知是講笑：「我同Edan其實係OK，有個共識，大家係玩吓。我甚至有邀請佢遲啲上嚟直播。」最後他強調：「我完全唔係惡意攻擊，只係客觀陳述事實，我都保持住中立態度。我真係冇惡意，真係冇惡意。」他最後表示，最怕其實是影響到YT，「我哋JFFT本身口沒遮攔，即使JFFT收皮都唔緊要，只係唔想影響到YT大哥。」拍檔米爺立即拍拍YT，講笑道：「使唔使1月1號即刻宣布，解散JFYT？」床哥再跟YT劃清界線，指自己言論與YT無關。