JW唱主題曲︱金城安回歸《愛回家》 仲有新角色?

JW唱主題曲︱金城安回歸《愛回家》 仲有新角色?
JW唱主題曲︱金城安回歸《愛回家》 仲有新角色?

歌手JW(王灝兒)喺社交平台自爆為無綫處境劇《愛.回家之開心速遞》獻聲,唱最新一首主題曲《愛心灌溉》,除咗約定大家8點鐘聽歌外,佢仲留言︰「發夢都估唔到,我竟然可以唱到!」字裏行間都Feel到佢幾咁興奮!而佢仲特別多謝老友陳瀅,因為呢個Post嘅封面相係由佢設計,果然係高手!

JW唱《愛回家》主題曲。
JW唱《愛回家》主題曲。

事後JW接受東網訪問,仍然開啟Hyper Mode,問到繼唱過《燕雲台》同《陀槍師姐2021》嘅劇歌之後,再下一城唱處境劇曲心情如何?佢大呼超級爆開心,又爆私下係《愛.回家》嘅忠實觀眾︰「每集都好搞笑,睇完好Relax!」而JW話最神奇嘅係佢依家同「金城安」周嘉洛拍緊新劇《痞子殿下》,一齊拍劇之餘,仲唱埋佢套處境劇嘅主題曲,JW笑言好希望《痞》「4劍俠」,佢、周嘉洛、陳瀅同朱敏瀚之後可以再喺《愛.回家》合體拍集Special,咁就更加開心!

而TVB亦已上載新主題曲《愛心灌溉》MV,Keep住搵嚟劇中多條故事線主角拍MV,當中「金城安」正式回歸,明顯劇情繼續畀佢有得留低,同時亦加入新角色、由古佩玲飾演神婆補習Miss「申瑞素」,提高劇集新鮮感。

今次夠晒齊人喇,仲多咗個添!
今次夠晒齊人喇,仲多咗個添!
「金城安」周嘉洛(右)拍完新劇又可以回歸喇。
「金城安」周嘉洛(右)拍完新劇又可以回歸喇。
唔少得「龍咁威」一家。
唔少得「龍咁威」一家。
仲加入埋古佩玲。
仲加入埋古佩玲。
大家終於都可以見番廢青安喇!
大家終於都可以見番廢青安喇!
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能