Lokman日本遊「穿越」時空 Edan豪請家人歐遊 Ian留港喊住開工

Edan與家人展開法國之旅,並於機艙自拍。
Edan與家人展開法國之旅,並於機艙自拍。

年近歲晚,不少藝人選擇外遊度歲。人氣男團MIRROR成員Edan與家人到法國歎世界,而隊長Lokman則選擇到日本迎接新一年。至於另一位成員Ian則留守香港,繼續為工作打拚。

明日(21日)26歲生日的Edan,前晚與家人及多位親友展開慶生之旅,在助手陪同下現身香港國際機場,獲30多位粉絲到場送機。機場保安亦用鐵欄築成「特別通道」,Edan「入閘」前多度向禁區外的粉絲揮手道別。之後,他於社交網晒打卡相,慶祝自己終於有得飛,亦是第一次飛歐洲兼欣賞巴黎時裝周,加上今次是他請家人出國玩樂及慶生,難怪特別興奮。

此外,Lokman日前亦已到了日本,他在社交平台上載多張風景相,不過有網友發現相片顯示攝於1989年2月,質疑是舊照,但事實上該年份他仍未出世,之後有網友解開疑團,表示:「個年份係紀念部機嘅出產年份,所以基本唔掂個設定係唔會變。」

細個勁硬頸

至於其他成員亦各有各忙,其中Ian在港宣傳新一年首支派台作品《再見寧靜海》,歌曲是一個有關月球的故事,叫人學懂珍惜,不要帶着思念與遺憾終老。MV中Ian變大喊包,他坦言這次是真情流露:「由細到大都甚少喊,細個我好硬頸、好曳,屬ADHD(注意力不足過動症),但以前屋企人冇正視呢樣嘢,只覺得小朋友曳,就要打,但我被打時依舊好硬頸,喊都唔喊,郁都唔郁,一句都唔講,由佢哋繼續打,打到佢哋攰都唔會道歉。」另外,他又表示很愛夾Band,大學學音樂後有夾過Band,是他一段很好的歲月,他說:「大家純粹只為好玩,幾Enjoy件事,所以幾懷念嗰種感覺。」

Ian全力谷今年首支歌曲,MV中更大喊特喊。
Ian全力谷今年首支歌曲,MV中更大喊特喊。