《M Club》首播 志偉拒評收視 珍妹激咀敬基全場起哄

(綜合報道)(星島日報報道)TVB重頭劇《M Club》(女人俱樂部)將於今晚首播,前晚一眾演員盛裝出席宣傳活動「M Club首映會」,曾志偉拒談收視,不想增加無謂壓力,表示最重要是贏口碑,生日願望是觀眾喜歡看《M Club》。而當大會播出精華片段時,李麗珍激咀鄭敬基一幕,惹來全場嘩然! 文:駱震寧 圖:朱偉彥 前晚TVB為新劇《M Club》舉行「M Club首映會」,主要演員包括李若彤、李麗珍、江欣燕、陳慧珊、張慧儀、葉蘊儀、袁潔瑩、吳啟華、鄭敬基、鄭丹瑞、苗金鳳、岑麗香及7位少女版女主角等都有出席。 兩位監製曾志偉及陳維冠同樣是4月生日,大會安排了生日蛋糕為他們慶祝生日。許過願望後,他們身旁的李若彤、葉蘊儀及江欣燕等即時送上Birthday Kiss。志偉亦喊出生日願望:「希望觀眾喜歡睇《M Club》!」 珍妹演活未婚媽媽 談到收視,志偉坦言不想作出預測,從而增添無謂壓力,「成日都話女士們追劇、煲劇,但係從來無一套劇係專登拍畀佢哋睇。自己都好有信心,由選演員、劇本、宣傳都做得好好,有朋友都會問我套劇幾時上,甚至想要今日首映會飛,播出後就由觀眾去評分。」 問到為何不爭取台慶劇時段播出?他笑說:「等唔到咁耐啦!你睇吓,依家成班女主角狀態係最好,一做宣傳就即刻Keep Fit,個個嘅精神都好到不得了。」 首映會剪輯了30分鐘精華片段於大銀幕播放,當中播出李麗珍跟鄭敬基激吻一幕時,全場嘩然!珍妹笑說:「因為劇中鄭敬基係初戀情人,走了廿幾年後再重逢,佢又係我BB嘅爸爸,場戲好重要。」問到會否尷尬?她笑說:「唔會!演員要投入角色嘛,拍個時我好鍾意佢,拍完之後就即刻唔鍾意喇。」 珍妹又表示,今次拍《M Club》過足戲癮,劇中角色性格跟自己大不同,「角色說話去到好盡,而我就係唔識表達自己。不過角色係未婚媽媽,呢個心情我好明白。」 陳慧珊臨急學跳舞 此外,陳慧珊亦表示很高興拍攝《M Club》,可以過足戲癮,「以往都係做一些比較討好角色,今次呢個角色成日都要證明自己最好、最靚、最叻,所以令佢身邊人好難受。其實佢好孤獨,無咩朋友。」談到戲中她跳舞一幕,看來非常犀利,她笑說:「其實係星期四學完,星期六就要拍,都OK啦!」 另外,岑麗香劇中飾演跳舞家,她就自爆自己跳舞一向都麻麻,笑說:「我手腳唔協調,但角色講我跳舞好叻,所以排舞時都要求學耐啲。」談到排舞老師是否教得好勞氣?香香表示:「咁又無!佢哋有晒心理準備,知我跳得差口架喇!」 ■「M Club首映會」陣容鼎盛,是TVB晒冷之夜。 ■坤哥拖實性感的許亦妮(左)及高Ling出席首映會。 ■志偉帶同7女角的少女版現身。 ■香香自認四肢難協調,卻要演跳舞家。 ■志偉對新劇收視不作預測,怕添無謂壓力,生日願望是「希望觀眾喜歡睇《M Club》!」 ■珍妹激咀敬基,全場嘩然! ■珍妹(左)說角色是未婚媽媽,「呢個心情我好明白。」