Mani霍汶希分享容祖兒阿Sa拜年片曝光山頂豪宅 13歲囡囡高過關智斌?

Mani霍汶希分享容祖兒阿Sa拜年片曝光山頂豪宅 13歲囡囡高過關智斌?

英皇娛樂集團營運總監霍汶希(Mani)當年一手捧紅容祖兒(Joey)、Twins等藝人,現時與旗下多名藝人老友鬼鬼。日前,容祖兒、蔡卓妍(阿Sa)和關智斌(Kenny)藉農曆新年到Mani山頂豪宅團拜,Mani於小紅書公開其拜年有趣過程,意外曝光豪宅裝潢。

Mani以「估下邊位藝人來我家過年啦?」為題,分享容祖兒、蔡卓妍、關智斌到家食年飯嘅片段。從影片所見,Mani所住嘅豪宅屬一梯一伙,客廳和飯廳以白色簡約裝潢為主,擺放咗麻雀檯之外,仲有一張至少可坐10人嘅大圓檯,旁邊有個木櫃擺放紅酒杯等飾品,屋內又有唔少揮春和新年掛飾;另外,又於大門擺放著一盆紫色大蘭花,新年氣氛滿滿。據了解,Mani於2017年以7,280萬元購入山頂瑞燕大廈低層C室,其豪宅實用面積約2,301平方呎,當時Mani就透露自己係樓換樓,又感謝老闆楊受成私下借錢畀佢湊夠首期。

另外,影片中又展現關智斌淘氣一面,除咗一入門口,笑指自己唔係捧住兩梳蕉拜年,而係捧住車厘子,更指自己唔好意思再逗利是,因此已派咗好多年利是。關智斌向Mani 13歲女兒Hanni派利是:「Hanni新年快樂,祝你越搵越多,快高長大、越嚟越靚女。13歲已經同我差唔多咁高啦」Mani即時表示女兒已高過關智斌,仲叫佢哋度高:「唔係啊!高過你啊!埋去睇下,背對背啊。未啊,差少少!」令關智斌自嘲原來自己係全公司最矮嘅男藝人。

霍汶希
霍汶希
霍汶希
霍汶希
霍汶希小紅書影片截圖
霍汶希小紅書影片截圖
霍汶希小紅書影片截圖
霍汶希小紅書影片截圖
霍汶希小紅書影片截圖
霍汶希小紅書影片截圖
霍汶希小紅書影片截圖
霍汶希小紅書影片截圖
霍汶希小紅書影片截圖
霍汶希小紅書影片截圖
霍汶希小紅書影片截圖
霍汶希小紅書影片截圖
霍汶希小紅書影片截圖
霍汶希小紅書影片截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!