MC $OHO KidNey 新歌寸盡MIRROR爆紅現象 鏡粉反應兩極

·2 分鐘文章
MC $OHO KidNey 新歌寸盡MIRROR爆紅現象 鏡粉反應兩極
MC $OHO KidNey 新歌寸盡MIRROR爆紅現象 鏡粉反應兩極

影片創作團隊「試當真」今年有唔少搞作,早前慶祝成立一周年嘅演出以「逐日減價」形式售票以打擊黃牛,2位成員許賢同豪哥更加以MC $OHO & KidNey嘅名義打入樂壇,今年唱到個個都識rap嘅《係咁先啦》正正係佢地首支派台歌。

MC $OHO & KidNey最新歌曲Black Mirror,以男團Mirror爆紅所產生嘅現象做主題,歌詞入面用「咩話?」影射Mirror,包括「你話嗰隊叫咩話?調教你咩話?」;又為唔少非鏡粉寫出心聲,正如呢句「我諗唔明 我諗唔明/邊個打邊個 你分唔分得清/我諗唔明 我諗唔明/點樣一口氣追 追十二個明星」,同埋「地鐵站又係你 巴士站又係你……搞到我地避都無得避」。甚至惡搞MIRROR歌曲Ignited歌詞「你咪辣辣辣辣辣辣辣辣辣辣辣辣著我/你哋嗰d歌 我 真係唔得閒播」。

Black Mirror嘅MV模仿《一代宗師》、《葉問》等片段,寓意「2個打12個」,仲搵到羅莽演出,推出至今2日左右已經有超過25萬次觀賞,成績唔錯。鏡粉對於偶像成為歌詞題材反應兩極,有人讚聽得開心,亦有人不滿對MIRROR唔尊重。

MC $OHO KidNey 新歌寸盡MIRROR爆紅現象 鏡粉反應兩極
MC $OHO KidNey 新歌寸盡MIRROR爆紅現象 鏡粉反應兩極
MC $OHO KidNey 新歌寸盡MIRROR爆紅現象 鏡粉反應兩極
MC $OHO KidNey 新歌寸盡MIRROR爆紅現象 鏡粉反應兩極
MC $OHO KidNey 新歌寸盡MIRROR爆紅現象 鏡粉反應兩極
MC $OHO KidNey 新歌寸盡MIRROR爆紅現象 鏡粉反應兩極

其實2個月前,本地rapper Novel Friday都製作咗一首MIRROR FREESTYLE,但係歌詞來得更直接大膽,直斥MIRROR冇實力、抄歌、拍太多廣告等等。呢首歌冇咁好彩,鏡粉多數唔buy,仲俾人話係抽MIRROR水上位。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能