Ming仔再瀨嘢 捐單頭數撐抗爭 網民︰做帛金呀?

19+

 

不嬲頗具人氣嘅youtuber Ming仔,呢個周末可以話係自製大災難。

 

呢幾個月佢都冇咩對時局表態,好多網民因為咁而負評,

上星期六佢就開live講睇法。

當中講到唔想捐錢俾某個支援抗爭者嘅基金,因為「太offnsive」。

而且佢覺得抗爭者同警方嘅武力係對等,

「警察份職業本身無問題,但佢哋做多咗」

呢番言論結果火上加油,即使Ming仔再出post解釋都冇補於事,

然後佢個facebook page嘅支持人數一夜之間暴跌,

截至星期一中午,即係大約直播後48小時唔夠,

已經由37萬跌到27萬!

 

講錯嘢之餘,今朝Ming仔貼出銀行入數紙,

以證明親身支持之前批評過嘅抗爭基金,

但係金額係……100001元。

單數?中國人好棹忌架喎。

網友一睇即刻撻著,留言質問「做帛金呀?」。

Ming仔話咁快就刪咗張相,幾個鐘後再貼出另一張入數紙,

解釋話係應承咗會捐出演出費五倍以上,但係為免直接揭露合約上出show價,

於是加多一蚊上去,係「心情太亂,冇思考清楚,入左個唔老禮嘅數目」。

佢再次為事件致歉。

Ming仔喺外國生活多年,呢啲常識可能唔知啦。

但係掟咗10萬都救唔到火……真係可惜。

Ming仔個fb page

你可能還想看