MIRROR第3個!時裝品牌內褲廣告再有神秘成員流出 疑似係Ian陳卓賢?
早前時裝品牌Calvin Klein搵身型一流嘅MIRROR成員Anson Lo(盧瀚霆)同Anson Kong(江㷸生)拍內衣廣告,睇到鏡粉流晒口水,甚至有fans面對住偶像重要部位打卡,紅都面晒!
估唔到CK今日突然流出宣傳片,暗示仲有一位「鏡仔」有份拍內褲廣告!雖然片段只得7秒,但係都有充足「貼士」俾大家估下係邊個。
睇返身型同面型,好大機會係Ian(陳卓賢)。曾經係港隊男排代表嘅Ian,身型一向唔錯,仲有份投資健身室。同另外2位Anson一齊拍晒肌廣告好合理。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!