MIRROR年度排名︳季軍︰Anson Lo盧瀚霆 無可取代的C位人物

今年作品

個人單曲︰EGO、不可愛教主、MEGAHIT、突如其來的心跳感覺(與呂爵安合唱)、愛不作聲(與姜濤合唱)

劇集︰大叔的愛、超感應學園

主持︰神的女主角

電影︰假冒女團

今年Anson Lo最大嘅進步係個人魅力，唔好話對比3年前《造星》，剩係睇返上年上CHILL CLUB嘅片段，已經係2個人。無論企喺團隊之中定係單拖上台，嗰種光芒係12個之中最強。所有幕前技巧要練肯練總會上手，唯獨「巨星的自覺」係無解嘅，冇得學，而Anson Lo有，甚至係近呢十年八年出道嘅歌手，都係得極少數人有呢種氣質。

論歌，Megahit真正做到Megahit，但係上年嘅單曲作品反而更襟聽，原因可能係為咗加強舞台感，EGO 同Megahit嘅節奏都更密集更複雜，而AL未能十足駕馭。加上早前聲帶出事後未復元，而家唱Live都要較低個key，輸蝕。論演戲，《大叔的愛》嘅表現以新人計算好好，演男同志唔突兀唔刻意扮乸，分手戲又有感染力，只係Edan今年真係各個環節都好全面，稍稍優勝。

對於下年嘅Anson Lo，我好期待佢仲會有咩突破！仲有好期待係神徒會喺「教主誕」有咩打卡搞作！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！