MIRROR演唱會事故︳網媒扭曲Lokman回應 引發舞蹈員鬧錯人 排舞師寸Anson Lo「哭了但照出新歌」

警方星期五交代MIRROR演唱會事故調查報告，同日MIRROR參加商台籃球賽時見記者回應有關報告的提問。有記者問「當日有冇表演者認為個台有危險，而曾經拒絕上台」，MIRROR隊長Lokman當時回應話「以我地所知就冇，因為全部人好專心表演」，又指「老師教我地The Show Must Go On」，如果有危險的話公司會刪走呢啲表演。

但係有網媒報導時將問題寫成「表演者有否表達過個台有危險」，令到Lokman回答嗰句「以我地所知就冇」，同演唱會前表演者喺社交平台申訴舞台唔安全嘅講法有出入。MIRROR演唱會舞者成員之一、參加過《全民造星》第及第4季嘅方方（方芷欣）就喺IG發限時動態，以呢篇報導「反駁」Lokman，指舞蹈員有表達過個舞台好危險，但係講咗都冇人理、「如果咁都叫冇（表達過舞台危險） 係咪有咩事要跪喺度求你地先叫有？」。

後來有網民出post指正係報導有錯，方方都轉發，但就加多句「你地有時間有心機追（狙）擊我 不如放啲心機追（狙）擊果啲龜縮嘅」。

同時排舞師Zero都有轉發出錯嘅報導，另外亦喺限時動態轉發指受傷舞者阿Mo（李啟言）好友、MIRROR成員Anson Lo目記者時疑似落淚嘅新聞，仲加幾句話「哭了但係星期日開show 哭了但係出新歌」，相當有骨。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！