雅虎香港新聞 MIRROR演唱會事故 排舞師炮轟舞蹈總監ROCK SIR潛水︰坐得呢個位就要負責
MIRROR演唱會屏幕墮下事故發生逾一個月，受重傷嘅舞者李啟言(阿Mo）情況由危殆轉為嚴重，但阿Mo爸爸李盛林牧師最近一封嘅代禱信提到兒子情況，指「醫生說95%都不能完全復原」、「想到一個活躍的兒子，現在是無奈地躺在床上，每天絕大都分的視線都是冰冷的天花板。」，令人心酸。
事故調查工作仍在進行，MIRROR演唱會主辦單位Makerville事發後鮮有交代。曾經為ViuTV多個節目排舞嘅編舞師Zero（鄧駿銘）尋日喺IG發文，提出多個問題，當中矛頭直指演唱會舞蹈總監Rock Sir(方家諾）。
Zero早喺事故發生後已經出post，提出多項值得反思嘅問題，包括點樣為舞者爭取同演出主辦單位簽訂合同、工會能唔能夠爭取到保障等。
Rock Sir早喺《全民造星》已經為ViuTV排舞，MIRROR出道後亦由佢包辦多首團歌以及成員單飛作嘅舞蹈編排。而Makerville 8月中回應事故時，提到係透過一間舞蹈工作室與舞者合作，而Zero亦有提及舞者同舞蹈總監應該係咩關係。佢寫道：「咁即係舞蹈員係直屬舞蹈室，而舞蹈室嘅老闆就係舞蹈總監，即係話舞蹈總監係判頭，佢有義務去保障dancers嘅安全同權益，喺有意外發生嘅情況判頭理應代表dancers。」而Rock Sir事發後已經冇好似以前咁頻密更新IG，只係喺8月1日嘅限時動態寫過「舞台意外發生後，心情極為沉痛、難過。作為MIRROR演唱會的舞蹈總監，我在此向參與是次演出的全體24位舞蹈員致以深切慰問。感謝各界在苦難時與大家一起渡過。願阿Mo、阿峯（張梓峯）及Zisac（羅德智）能早日康復，亦祝是次有份參與的舞蹈員、MIRROR成員、花姐及相關人士保重身體。祝平安。」其他舞者就事件嘅發文等，都冇見Rock Sir回應。
是日精選
披荊斬棘2｜吳卓羲與林峯各自組隊被指扮FD 大講TVB金句全場瞬間安靜
MIRROR演唱會事故 排舞師炮轟舞蹈總監ROCK SIR潛水︰坐得呢個位就要負責
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
