MIRROR再次全員出活動 星期四晚鏡粉勢包圍海港城

·1 分鐘文章

上個月MIRROR全體12位成員出席屯門商場活動,唔少鏡粉一早就去霸位,連fb直播高峰期都有5萬人睇,聲勢浩大!

各位鏡仔各有工作在身,要集齊人腳真係唔易,但係今個星期四又有機會見晒咁多個。有手機品牌星期四(26日)晚喺海港城舉行新機發布活動,根據向傳媒發布嘅邀請信,活動會有齊12個鏡仔出席。相信到時商場以及外圍一帶一定人山人海,俾鏡粉包圍都似。

今次活動喺商場頂層舉行,要圍觀唔容易,不過根據各位成員嘅行程,嚟緊要齊人出活動可能要隔一排嘞。因為姜濤同阿Jer將會拍彭秀慧新片,九月又要為商台拉闊音樂會排練;Edan、Alton同Stanley要拍新劇i.Swim;Anson Lo已經拍緊新歌MV,預計有唔少宣傳要做,加上又有同5位歌手合作嘅音樂會;其他成員都各有廣告、代言、拍節目工作在身,怕且要去到年尾音樂頒獎禮先見到MIRROR齊人現身!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能