MIRROR年度排名︳亞軍︰Edan呂爵安 喜感擔當大爆發 陪襯變主角

·2 分鐘文章

今年作品︰

單曲 - E先生連環不幸事件/小諧星/My Apple Pie/ 突如其來的心跳感覺(與Anson Lo盧瀚霆合唱)/一表人才(粵)年青有為(國)(與邱鋒澤合唱)

電視劇 - 大叔的愛

主持 - 考有FEEL / 水著考有FEEL / 膠戰S2

今年Edan嘅佳作好多,例如阿Jer叫大家估佢首新歌歌名係取材自邊本書名7個字嘅名著,Edan 留言︰啟思語文新天地。仲有嗰個去salon整頭影低嘅河童look。

古今中外偶像男團多不勝數,但係團員設定大同小異,唱歌跳舞唔使講啦,有喜感都係其中一個必備角設。唔理係被安排定係本身性格配合,Edan好快就成為「喜感擔當」。MIRROR大發之前,《台灣文西Only You》係未有太多人留意到嘅旅遊節目。主持之一嘅Edan,第一集第一個鏡頭就係咁︰

《台灣文西Only You》主持得2個,羅家英,Edan。要拍家英哥,仲要同一班台妹互動而唔會感覺下流,難度可想而知。有網友讚Edan「綜藝感好強」,睇呢個節目就明。

上年年尾《膠戰》出街,接住《E先生連環不幸事件》派台,製造出微妙嘅反差。之後《大叔的愛》又帶來另一面嘅Edan,將可以稱為賤男嘅阿田,演到可愛、重情、唔知自己想點多種層次。然後去返單曲《小諧星》同《My Apple Pie》又行返深情路線,但唔會令人覺得精神分裂。今年雖然作品多,好在總算未睇/聽到膩,起碼佢去隊友IG度留言嘅水準係keep到嘅。

觀乎12個鏡仔,Edan各樣才能都唔係最頂尖,甚至花姐都直言搵佢入團係做陪襯。但係論頭腦最清晰,應該係佢。

題外話︰有冇人同我一樣覺得,今季《膠戰》冇咁好睇,係因為Edan冇態?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能