MIRROR成軍一年赴台灣拍MV 成員國語能力加睡眠習慣大公開

MIRROR成軍一年赴台灣拍MV 成員國語能力加睡眠習慣大公開
MIRROR成軍一年赴台灣拍MV 成員國語能力加睡眠習慣大公開

人氣男團MIRROR於11月3日成軍一年,除了忙於拍攝《全民造星II》,亦趁機推出新歌《Reflection》,而且更特意飛到台灣拍攝MV,實行以靚人靚景答謝樂迷厚愛。隊長Lokman表示:「MIRROR成軍一周年,我哋都希望送俾大家一個隆重又精彩嘅MV。今次係過去三首歌《一秒間》、《ASAP》及《破鏡》MV嘅加強版,我哋喺拍攝期間睇Play back都覺得好有型好靚,相信推出後我自己都會不停J(翻看)。」副隊長AK亦指出場景非常漂亮,他說:「製作團隊特別搵咗一間別墅外,亦親手搭咗好多廠景俾我哋拍攝,所以Lokman先會話不停J(翻看)。」

一如以往,MIRROR的舞蹈亦成為了今次〈Reflection〉的焦點所在,排舞師黃祖耀(耀老師)及方家諾(Rock Sir)再次挑戰MIRROR眾成員的能力,舞步更見複雜及密集,Lokman指拍攝MV期間,他們每跳完一次都要休息10分鐘才可以繼續拍攝下去,是不能不停跳的,所以最終用上22小時才完成拍攝工作。

今次赴台拍攝MV,少不免要以國語溝通,MIRROR眾成員被問到最的國語最爛時,估不到眾人直指是花姐!Jer大爆:「花姐同導演溝通時係用廣東話嘅,但導演只係識國語。」Anson Lo此時即插咀表示:「花姐!不如你用國語介紹我哋MIRROR。」花姐當然不甘示弱,假裝生氣道:「你係咪想炒呀?」佻皮的AK也即時加入說:「不如你用國語講『你係咪想炒呀?』」此話一出,花姐也即時語塞,現場笑聲不斷。

飛抵當地首晚眾人更一起去吃火鍋,不過說到難忘事,反而是眾人的快速入睡能力,Jer表示:「原來大家都好瞓得,所以我已經見過晒所有人瞓覺個樣,仲要好快瞓著,好勁!但呢個技能我哋係必須,因為無論喺邊度,只要有空閒就要瞓著,爭取休息時間。」Ian接受訪問之時,眾人還未完成MV拍攝,他笑言一起睡覺的機會應該渺茫,不過一起看日出將會十分浪漫。說起睡覺,與AK同房的Ian分享了AK的小秘密,Ian說:「AK瞓覺原來會磨牙!我本身已預佢一定會扯鼻鼾,但冇諗過扯鼻鼾同磨牙打孖嚟,估唔到佢瞓覺都咁嘈,搞到我琴晚都冇乜點瞓!」

點擊瀏覽《香港01》更多內容和圖集

你可能感興趣:
【區議會選舉2019】MIRROR與ERROR盡公民責任 Edan:通識都有教
【辣伙頭】Edan@MIRROR為逃避地獄料理出貓 保錡望報銷肚痛錢

你可能還想看