MIRROR拍MV演變混戰 Anson Lo急送院做手術

人氣男團MIRROR的12子早前拍攝新團歌，在水池勁歌熱舞，水花四濺。日前他們受訪時爆出Stanley、Edan和Jer頑皮掀水戰，令全隊人由頭濕到落腳，連底褲都濕透。不過，原來Anson Lo更慘，被揭拍攝途中手指出事要急送入院做手術。

MIRROR的新團歌《Innerspace》MV早前上架，12子在水池中使勁地跳，分不出是水花還是浪花，原來背後濕透捱凍兩小時，認真有苦自己知！他們宣傳團歌時就玩互相踢爆，Jeremy指摘Stanley腳力勁，令他喝下池水，Stanley笑言每拍完一個鏡頭都轉頭望向Jeremy，看到濕透的Jeremy十分好笑。

操肌出戰紅館騷

Alton亦爆料篤出Edan踢水在最後才發生，令他冇仇報，此時AK也加入要舉報，自稱與Ian遭到Jer飛剷入水濺面。不過Jer卻自稱也是受害代表，十分搞笑。Edan覺得是次大家用盡全力踩水，濕透也冇所謂。問到是否底褲都濕晒？Alton說：「都分唔到出面濕定裏面出汗整濕，總之係濕透。」

Anson Lo被揭拍攝途中手指出事急送院，初時稱是好小事：「如果唔搵專業醫生會變大事，但唔係大家聯想嗰樣嘢，同手指有關。」其他隊員聞言就一人一句開Anson Lo玩笑，指他是「插刺」、「反甲」和「骨折」，其後花姐出面批准公開，Anson Lo終自揭真相：「近排自己肥咗，手指都肥埋，右手無名指隻戒指Kick喺手指度，之後手指愈來愈腫，腫到好似波子咁，好擔心，打畀醫生，話如果今日唔整第日就整唔到。」笑言差點要叫消防剪掉戒指。

另外，Lokman透露6月將再推出另一首新團歌，近日忙於為紅館騷重新排編曲和編舞，他們又預告要操肌，Lokman笑言紅館場地大，身形太細粒大家便看不到他們。