MIRROR演唱會優先訂飛 系統大塞車 網友個個呻︰緊張過結婚
全城熱搶嘅MIRROR 7月紅館演唱會門票,今日正式引爆搶飛行動。事關贊助商信用卡訂票今朝展開,但係一如所料,話咁快就賣晒。而喺正式開賣前,唔少人都話網路大塞車,連個系統都入唔到,即使用齊手機電腦一齊開都冇用,唯有等…等…等……
亦有人因為最近先申請信用卡,即使批核成功,但張卡仍未寄出,要用手機check返卡背交易碼(cvv)。不過因為太多人登入,連check呢個功能都要等,結果申請咗張卡都冇用!
亦有人好彩買到,真係好幸福呀~
今日買唔到飛,仲有其他官方途徑。Anson Lo有份代言嘅虛擬銀行,以及贊助演唱會嘅消費會籍積分平台,都有優先訂票,但未公布詳情。「前夫」們唔好氣餒!
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!