MIRROR演唱會| 鏡粉最後撲飛機會買唔到好失望:轉投Super Tiger懷抱

MIRROR
MIRROR

人氣男團MIRROR將於7月底至8月初舉行12場《FWD呈獻:MIRROR WE ARE Live Concert 2022》紅館演唱會,首次以實名制發售近3.8萬張門票,掀起全城搶飛熱。早前信用卡公司優先訂飛及公開售票日系統嚴重擠塞,大量歌迷花大半日時間都買唔到飛,感到非常失望。上月尾,MIRROR社交網站亦宣布所有合資格嘅MIRO可以喺今日(10日)到指定網站購票,而今次係鏡粉們嘅最後撲飛機會。

唔少MIRO都把握機會最後衝刺,喺今朝10點到指定網站購票,不過今次仍然有唔少鏡粉買唔到飛,紛紛留言表示好嬲及失望,例如「好有誠意咁玩Miro」、「做會員可以俾人玩多次」、「fans club竟然可以買唔到演唱會門票,咁要嚟做咩,下年一定唔會續會。垃圾。」、「嬲到手都震埋」、「灰到爆」、「退會 嘥錢嘥時間」、「真心問 ,有冇人知點退會?有乜手續?親身定可以郵寄?有冇同道約埋一齊去搞?我聽日放假喎,(D錢豪比佢啦,但求退會)」,甚至有鏡粉氣餒到話:「我入咗去,不斷load, 不斷load, 到最後好不容易去到信用咭比$,但仍不斷load, 最後過咗鐘要再排隊,嗰種痛真係非筆墨可形容。所以我决定,今日5pm前買唔到票,我決定退出歌迷會,並且轉投Super Tiger懷抱 (唔好意思,我思緒好混亂) !」。

唔知大家又買唔買到飛?

MIRROR
MIRROR

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能