雅虎香港新聞 MIRROR經理人團隊被爆態度差 財經作家再爆Makerville已向苦主道歉 請專人湊客
踏入十月﹐MIRROR經歷完演唱會事故後嘅停工期，相信會陸續復工。由成員Stanley （邱士縉）及Frankie（陳瑞輝）主演嘅劇集《野人老師》今晚出街，亦有消息指MIRROR已準備好團歌，暫定11月推出。
不過早前財經作家千頌C就發文，大爆MIRROR經理人團隊態度差兼冇交帶，試過有客戶見MIRROR「復出」在即，於是打算做一轉代言宣傳，本來雙方傾好晒，連所需物資都準備好晒，點知收到MIRROR經理人一方一句「我唔想」，成件事就要叫停，一句解釋都冇。
千頌C又爆，早前有MIRROR成員去睇新樓盤，傳媒影到當然報導，但係事後有傳媒人收到自稱MIRROR經理人嘅不知名人士私信，話未經同意刊登鏡仔照片，等同幫樓盤間接宣傳，著對方刪相仲話會作法律追究。傳媒人查探之下，證實該人真係MIRROR經理人團隊成員，於是向MIRROR的母公司電盈了解，結果要電盈公關幫手拆彈，因為嗰篇睇樓報導根本冇牽涉肖像權等法律問題。有廣告界人士天向千頌C吐苦水話真係好唔想同MIRRRO嗰班經理人合作。
到尋日千頌C再有跟進，表示上面提到嘅2單事件，有關苦主已經收到負責人親自道歉，而且話MIRROR所屬公司Makerville已經搵到專人處理MIRROR客戶事宜，即係話廣告商可以搵呢位「中間人」，唔使同被指態度有問題嘅經理人團隊接洽。千頌C亦希望呢位專人可以壓到場，「唔使俾啲阿姐食住」。
同時千頌C亦希望有關方面盡快交出MIRROR演唱會事故報告，還各方一個公道一個交代。
是日精選
MIRROR經理人團隊被爆態度差 財經作家再爆Makerville已向苦主道歉 請專人湊客
天堂鳥Tyrese與KOL Pumpkin Jenn疑分手 女方曾大爆對方戶口冇咩錢好手緊
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
