MIRROR 2月4首單曲 AK x Alton新歌3月先出 幕後趕deadline唔止今次

·2 分鐘文章

男團MIRROR喺2月初公布會推出4首單曲,並以演唱會片段剪影製作預告,等鏡粉估下有邊個會出歌。結果喺情人節當日推出陳卓賢Ian嘅《留一天與你喘息》,MV至今推出半個月已經有近6百萬次收看,十分瘋狂。而備受期待嘅Jeremy李駿傑首支個人單曲《半》亦喺2月22日面世;人氣強勁嘅Anson Lo盧瀚霆第8首單曲《Mr. Stranger》上星期五推出,MV喺YOUTUBE上架27小時就衝破1百萬。

數咗3首,第4首呢?

 AK x Alton
AK x Alton

唔少人睇完預告片都估到會有Anson Kong江𤒹生同首次出歌嘅Alton王智德合作,但係去到2月最後一日仲未有聲氣,甚至有鏡粉估計係咪會無預告下推出。終於喺2月最後幾小時,鏡粉得到……AK x Alton新歌嘅預告。歌名叫Rebound,3月3日商台首播,同日晚上MV面世。

遲到好過冇到,不過根據資料,MIRROR成員出歌製作進度都十分趕急。去年Edan呂爵安第2首單曲《小諧星》喺商台首播,節目主持梁文禮就爆喺原定出街時間前個幾鐘先收到首歌。近期Jeremy嘅《半》MV,都係推出前一個禮拜先開始拍。團歌更加唔駛講,早前有fans開IG account要求ViuTV改善MIRROR幕後管理質素,其中一個post提到據聞《BOSS》MV拍攝當日,首歌未錄好音,拍攝時只係用demo配合,連舞都未排好!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能