MIRROR ERROR全員出動 商場網上直播質素差被網民鬧爆:完全睇唔清我嘅老公
ViuTV旗下男團MIRROR和ERROR人氣爆燈,今日中午16子齊齊現身屯門出席ViuTV《夏日電視賞》活動。雖然有唔少粉絲一早到場霸位,並將商場「逼爆」,不過依然有唔少「鏡粉」同「404」唔可以親身到場支持,只可以透過Live收睇活動。雖然ViuTV及商場嘅Facebook都開Live,但商場嘅live質素太差,網民紛紛留言鬧爆。
難得可以見證MIRROR和ERROR全員同場,但商場就疑似用手提電話拍攝,解像度極低,睇唔清楚16子個靚仔樣,所以紛紛留言鬧爆,例如「商場影咩, 企呢個位置仲差過粉絲」、「可唔可以唔好郁黎郁去呀」、「條友真係唔識嫁wo」、「屯市live揸機嗰個係咪唔識用電話」、「主辦單位都咁差」、「完全睇唔清我嘅老公」及「又聽唔到又睇唔到」等等。不過亦有人留言表示諒解同埋辛苦晒小編。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!