Mood到即閃婚 糖妹誓破「攝灶罅」咒

東方日報
·2 分鐘文章
糖妹未能與住在日本的男友見面,希望通關後可以多相處。
糖妹未能與住在日本的男友見面,希望通關後可以多相處。

歌手糖妹受疫情影響,演唱會形式及日期一改再改,連愛情路亦受阻!雖然與長居日本的「見習男友」長期苦相思,但沒打沉其閃婚興致,望早日破「攝灶罅」宿命,大力「掌摑」閨蜜笑她「嫁唔出」的烏鴉嘴,為自己爭口氣!

糖妹將拍攝無綫新劇,事業再有新進展,問到與長駐日本營商的男友感情如何?她笑言暫未能相會,故難有大突破,不過仍睇好對方會是其終身伴侶:「依家佢係『見習對象』階段,我諗今年有疫苗,可以通到關,見到面相處吓會再好啲。其實阿媽比我更期待!」

她不想將感情事掛在口邊,以免花邊新聞模糊工作成果,但由於閨蜜王敏奕、陳嘉寶、賴慰玲等相繼出閣,外界難免關心她的幸福,她笑說:「我記得喺朋友Group,有人Send咗條『7個嫁剩2個』嘅標題嚟『潤』我囉!」氣上心頭的她不諱言隨時閃嫁:「我興起時會閃婚o架!不過閃生BB就唔會,閃嫁唔使問阿媽,佢對我唔會有掣肘,只想有人照顧我。」

大讚穩重顧家

她更大方揭開男友的神秘面紗,指對方比她高、老實、穩重,絕非偶像靚仔型,雙方有不少共通點:「都係顧家、粗眉,同我一樣係工作狂!」但由於不諳日語,她未考慮移民當地,況且還有很多音樂理想未達成,如在麥花臣或伊館開演唱會。問到終極目標是否在紅館開處女騷?自言有「自知之明」的她,覺得工作上要理智:「我未Handle到,亦唔想加重公司負擔,我唔係死充爛充嘅人!」

閨蜜嫁得七七八八,好友「烏鴉口」驚糖妹攝灶罅!
閨蜜嫁得七七八八,好友「烏鴉口」驚糖妹攝灶罅!