Naomi零收入 慳買$12燒賣頂肚

東方日報
·1 分鐘文章
Naomi在便利店食燒賣,盡量在食方面慳錢。
Naomi在便利店食燒賣,盡量在食方面慳錢。

早前「揞名爆」在網上追債的藝人馮鎵瀠(Naomi),因經營的美容院無限期停業而入不敷支,要靠積蓄度日。日前她在銅鑼灣一間茶餐廳外徘徊,看了幾眼餐牌後黯然離去,轉往附近便利店,在微波爐食品架上左挑右選,最後改變主意,買下12蚊燒賣當午餐,不消1分鐘便食清光,然後到超市買消毒用品,再登上電車離去。

記者致電Naomi,她指美容院已停業超過120天,舖租跟人工合共損失6位數,加上不少公開活動延期或取消,她已有多個月零收入,只好盡量節衣縮食:「朋友打邊爐叫埋我,我就去黐餐,上個月生日,好多朋友請食飯,又慳番啲。依家唔去茶餐廳,食吓便利店嘅嘢食,即食燒賣最平12蚊,叮叮燒賣就要13蚊,慳番1蚊留嚟搭電車。」問到美容院重開後如何加強防疫措施,她說:「本身有清潔姐姐,亦有好多即棄用品,例如拖鞋、保護袍、床單,好貴但唔慳得。」

Naomi搭「叮叮」,慳得一蚊得一蚊。
Naomi搭「叮叮」,慳得一蚊得一蚊。