【電影LOL】Netflix史上最貴新片 The Gray Man公布班底 《柏捷頓家族》男神有份

Netflix史上最高製作費、2億美金打造嘅電影The Gray Man終於落實演員陣容！呢套由《復仇者聯盟》導演羅素兄弟執導嘅新片，改編自Mark Greaney同名小說，故事講述由CIA轉為職業殺手，受僱狙擊前同事，展開生死追逐戰。

既然用得咁多錢拍，唔搵返個星級陣容點得？《星聲夢裡人》Ryan Gosling及「美國隊長」Chris Evans分別飾演前CIA探員Court Gentry及其死對頭Lloyd Hansen，最新加盟仲有憑《柏捷頓家族：名門韻事》大紅嘅英國男星Regé-Jean Page！

暫未知Regé-Jean Page飾演邊個角色，不過因為《柏》而躍升為新一代性感icon，加埋「美國隊長」Chris Evans同Ryan Gosling，相信會有大量場面俾佢咃show肌兼show身手！

女主角則由曾主演《神探白朗：福比利大宅謀殺案》嘅新任「邦女朗」Ana De Armas飾演。近年星運亨通嘅佢片約不斷，由《神》純真好心女看護，到「邦女朗」一樣演得出色，嚟緊仲會於新片Blonde飾演一代性感尤物瑪麗蓮夢露，絕對係炙手可熱女星。

如果有追開劇集《權力遊戲》或Iron Fist，應該對另一女角Jessica Henwick唔陌生，佢有參與即將上映嘅《哥斯拉大戰金剛》及《廿二世紀殺人網絡4》，動作場面可謂駕輕就熟。

羅素兄弟原本同Sony合作拍攝The Gray Man，之後先被Netflix買咗版權，Joe Russo喺Deadline嘅訪問提到希望將The Gray Man發展系列電影，頭炮就集齊咁多位當紅影星，刺激場面配合懸疑劇情，加上羅素兄弟擅長event movie嘅能力，有望成為新一代諜戰icon！

更多電影文章

【電影LOL．UA結業】傳2大院商爭奪UA據點 百老匯遭入稟追裝修費

【電影LOL】UA院線宣布全線結業 官方聲明︰痛心及艱難的決定

【電影LOL】今個星期睇咩戲 《疑．媽》《好好拍電影》《90分鐘驚濤械刧》《反轉三國志》

【電影LOL】迪士尼又翻新經典 《木偶奇遇記》Joseph Gordon Levitt聲演蟋蟀仔

【電影LOL】大導David Fincher 夥拍《七宗罪》編劇 幫Netflix拍暗黑新片The Killer

【電影LOL】港產抗疫電影《總是有愛在隔離》預告片見街 張繼聰張智霖肉帛相見 方力申呼吸困難

【電影LOL．金球獎2021】「黑豹」Chadwick Boseman榮膺影帝 趙婷成首位華裔女性奪最佳導演

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！