Netflix新劇《魷魚遊戲》|奪金生存遊戲以性命作賭注 李政宰同香港男星撞樣?

·2 分鐘文章
Netflix原創韓劇《魷魚遊戲》
Netflix原創韓劇《魷魚遊戲》

由李政宰、朴海秀、魏河俊等主演嘅Netflix原創韓劇《魷魚遊戲》已於上星期五(17日)正式上線,第一季九集故事每集約一小時,融合高彩度配色以及血腥劇情,引發廣泛討論。

《魷魚遊戲》講述456名經濟困難人士收到有圓圈、三角形與正方形嘅神秘名片,邀請佢哋喺6個遊戲關卡中相互競爭,以爭奪456億高額獎金,每個遊戲都係韓國人細個玩嘅傳統遊戲,包括一二三,木頭人、椪糖、拔河、彈珠比賽、過墊腳石橋及魷魚遊戲,關卡難度逐漸增加,只有玩到最後嘅玩家先有機會攞到獎金,過唔到關或者中途離場嘅玩家都會賠上性命。

劇集陣容鼎盛,演員包括以《機智牢房生活》知名度大增嘅朴海秀飾演名門大學出身卻背負鉅額債務嘅「曹尚佑」、《經常請吃飯的漂亮姊姊》飾演孫藝真弟弟嘅魏河俊飾演警察「黃俊昊」以及飾演努力成為好爸爸「成奇勳」嘅李政宰,佢喺首集與孔劉以十萬韓元做賭注玩「打畫片」遊戲,孔劉每贏一次都會掌摑李政宰一下嘅劇情令人爆笑。李政宰嘅代表作品分別有《觀相》、《暗殺》、《仁川登陸作戰》等,演技以外,亦被網民有指佢同香港藝人譚俊彥撞樣。

而《魷魚遊戲》最大賣點,係透過一連串80年代童年遊戲作主線,利用人類嘅童年回憶揭發殘酷人性面,暗諷韓國社會弱肉強食嘅道理;導演黃東赫表示,《魷魚遊戲》係細個玩過最激烈又最中意嘅遊戲,同時隱喻現代競爭社會,所以將劇名命名為《魷魚遊戲》,指玩家喺遊戲中爭奪獎金,有可能係共生死嘅好夥伴,又有機會係害死自己嘅人。

Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
Netflix原創韓劇《魷魚遊戲》
《法證先鋒IV》譚俊彥
《法證先鋒IV》譚俊彥
《十八年後的終極告白》譚俊彥
《十八年後的終極告白》譚俊彥

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能