成功捕獲野生發哥 粉絲Facebook開group開心Share

好少可會喺街度撞到明星，但係就經常性喺街度撞到發哥，點解？因為佢出入都係地鐵巴士甚至行路，冇保姆車冇助手保鏢包圍，老百姓一樣咁生活，自然易撞見啦。

有網友就喺Facebook開咗個page叫做『捕獲野生發哥』群組，俾所有喺街有幸撞到發哥嘅朋友將佢哋嘅合照放上去，而家起碼已經有過百張

相。

話時話，見到發哥想合照，就梗係同佢個人印象好有關啦︰

發哥受歡迎原因1：
努力不懈精神。發哥起初都係喺無綫拍劇，之後先去拍電影。同好多香港人一樣都係由低做起。但係佢憑著佢嘅才華同努力，曾經3次獲得香港電影金像獎最佳男主角、同埋兩次臺灣金馬獎最佳男主角獎。1995年仲去埋荷李活拍戲，而家已經係國際知名嘅演員。

發哥受歡迎原因2：
親民發哥雖然身價過億，但係佢仍然跟普通香港人一樣會迫地鐵、行山、去九龍城買餸煮飯、去九龍塘買腸粉食。每次有市民想同佢影相，佢都來者不拒，甚至有人稱佢為『香港之子』。無論你年薪幾多錢都好，佢都一視同仁。

發哥受歡迎原因3：
體貼民情。2004年，佢曾經喺香港中學會考放榜講座上面批評香港母語教學失敗，學生應該到前任教育統籌委員會主席梁錦松的辦公室示威，要求他為失敗教育負責，證明佢對下一代幾咁關心。

發哥受歡迎原因4：

為市民著想。曾經有記者問發哥點解可以咁親民，佢話：『唔少人同我素未謀面，但係就默默支持咗我30年。而家佢哋只係想見我3分鐘，唔通都唔答應？』

發哥受歡迎原因5：

思想正面。發哥雖然係娛樂圈打滾多年，但係仍然思想正面，佢認為：「每人快樂的定義不同。別人或許是賺很多錢、吃名貴鮑魚、開名貴房車、打高爾夫球……我的快樂來自於平淡和簡單，沒病沒痛就已是上天最大的恩賜。」

『捕獲野生發哥』群組︰
https://www.facebook.com/catchchowyunfat?fref=nf