《聲夢傳奇》四女跳唱BLACKPINK歌曲 網民睇到好尷尬:中學生歌唱比賽feel

《聲夢傳奇》截圖
《聲夢傳奇》截圖

無綫歌唱比賽節目《聲夢傳奇》嚟到第5集,兩隊需要進行五輪小組對決,藍隊首先派出Aeren文凱婷、Yumi鍾柔美、Gigi炎明熹及Kaitlyn林君蓮表演韓國人氣女團BLACKPINK嘅《How You Like That》。Yumi及Aeren負責跳唱,而Kaitlyn同Gigi就只係負責跳舞部分。表演完後趙增熹表示Yumi適合唱依類歌,但Aeren明顯唱唔到,而張佳添就表示如果係公司周年晚會出嚟表演,佢會拍掌叫好,但呢個係聲夢舞台,佢再狠批4人「end up只不過係一個A貨嘅Blackpink,有兩個仲要係啞嘅」, 更讚紅隊Archie及Aska嘅表演有心思及創意,唔係「揀一隻歌去copy人哋嘅表演」。

唔少網民睇完後,紛紛留言狠批佢哋嘅演出,例如「真的是A貨~而且刀群舞唔齊~rap拍子又錯~真是冇眼睇」、「兒童歌唱比賽,後生又唔睇,年紀大又冇興趣」、「睇到好尷尬⋯⋯」、「四個人只有兩個人唱歌,已經是失敗的原因之一」、「中學singcon學生會搞笑show水平」、「睇左一陣,令我有種中學生歌唱比賽feel」、「係tvb做節目好娘好old school,最重要係一啲創意都冇,故步自封」、「完全醜化左成首歌」及「kaitlyn 跳到好似公園阿嬸」等等。另外,亦有網民撐佢哋只係用咗好少去練習,所以呢個演出已經算唔錯。

《聲夢傳奇》
《聲夢傳奇》
《聲夢傳奇》
《聲夢傳奇》
《聲夢傳奇》
《聲夢傳奇》

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!