劉德華片酬曝光竟與內地小花同價 難怪被指「CP值超高」

·1 分鐘文章
《拆彈專家2》劇照
《拆彈專家2》劇照

貴為香港歌壇四大天王之一嘅劉德華,縱橫演藝圈超過40年,經典歌曲及電影多不勝數,真係無人不識。不過近日有台灣傳媒報道指劉德華嘅片酬,竟然低過唔少內地一線演員,甚至係同內地95後小花差唔多,因此被台灣傳媒指佢係「CP值超高」嘅演員。

劉德華主演嘅電影《拆彈專家2》喺內地大受歡迎,更成為上年內地最高票房嘅港產片。報道指有內地電影業界人士消息話一向有票房保證嘅劉德華從來唔會亂開片酬,除非合約寫有票房利潤分成,如果唔係佢嘅片酬開價大約係2千5百萬港元,同19歲內地小花張子楓片酬差唔多。如果係佢擔任監製嘅話,例如《掃毒2:天地對決》,佢唔會要片酬,只會收取票房分紅。

劉德華除咗有票房號召力之外,佢係網絡嘅叫座力同樣驚人,好似早前佢開設抖音帳戶,短短幾日就已經吸引超過半億粉絲,更帶動抖音股價上漲。試過開直播時,佢成功吸引過千萬人觀看,去到最後觀看人數更高達3200萬人。

《拆彈專家2》劇照
《拆彈專家2》劇照
《拆彈專家2》劇照
《拆彈專家2》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!