張惠雅深宵留言:我暴斃請不要驚訝!

東方日報
·2 分鐘文章
張惠雅上載披頭散髮的照片,加上古怪留言,令人十分擔心。
張惠雅上載披頭散髮的照片,加上古怪留言,令人十分擔心。

前女子組合HotCha成員張惠雅(Regen),昨日凌晨網上發出令人驚恐的「死亡預告」,表示若她突然暴斃,着大家不要驚訝。貼文一出震驚網友,紛紛對她好言相勸,好友湯怡則叫大家不用擔心。

Regen早前曾表示與年輕8年的台灣男友分手令她飽受情傷,體重暴跌至84磅,雖已經過了一段日子,但她似乎仍未放下,昨日凌晨4時在社交網上載一張披頭散髮的相片,留言:「如果有一天我突然暴斃請不要驚訝,我已經有呢個覺悟了,晚安」,網友即留言相勸。翻查她的舊貼文,從網友留言得知她經常借酒澆愁,而從她上載的近照所見體重亦未見回升,令人擔憂。

直至昨午,她再更新社交網晒出兩張出海的相片,表示「天氣好啊」、「照顧到自己先照顧到人哋」,似乎心情已經平復,但未有補充之前所發出的驚恐留言,記者向她了解,至截稿前未有回覆。

湯怡:我間中會陪佢

對於Regen的狀況,好友湯怡着大家毋須擔心:「佢呢排實在太攰,太多嘢做,間中都會返長洲,佢話攰到隨時隨地都瞓得着。佢不嬲打字都好誇張,我間中會陪佢,或者入長洲搵吓佢,放心,佢冇嘢。」

而舊隊友張紋嘉表示:「啱啱傳訊息畀佢,最近我有問候佢,佢都話冇嘢,佢之後都有post嘢,我諗佢OK嘅!」而另一好友Cheronna則說:「前兩日先見完佢,去咗On仔新碟發布,我哋一齊唱歌,我哋私底下有group聯絡,都冇乜問題。」

Regen之後上載身在船上的照片,狀況已回復正常。
Regen之後上載身在船上的照片,狀況已回復正常。



【相關搜尋】如何察覺自殺先兆

【相關搜尋】張惠雅Regen失戀暴瘦