性感小雞「吳璐」贏口碑 王菀之開騷繼續露

【晴報專訊】王菀之(Ivana)唱而優則演,去年參與劇集《老表,你好嘢》發揮喜劇細胞,在《金雞sss》飾演性感「小雞」吳璐,亦甚搶戲。從初入行的純情形象慢慢蛻變,即將開騷的她,更預告演唱會歌衫「有睇頭」。 王菀之將於5月17日第二次踏上紅館舞台開個唱,昨天她身穿紅色低胸連身褲,披上黑色皮褸出席記者會。 當她甫出場,性感程度即引來全場譁然,及後Ivana坐低接受訪問時,豐滿上圍亦成為焦點。在拍照期間,有記者多次要求她脫掉外套,但她都一一婉拒,她解釋是因為那件衫剛從外國運抵香港,背部設計尚未完成,所以她只能集中火力騷正面身材讓大家過目。 男友Eric So支持 記者會上已率先騷身材的Ivana,在台上表示開騷前考慮減肥,但不會刻意節食,她認為最重要是身體健康和身材弗,覺得跳舞都可以當作運動,順便收身。問她可會擔心收身搞到沒有「彈藥」?她聞言即笑謂:「身材係講均勻嘅。」在舞台上又會否有更性感演出呢?Ivana續稱:「如果少布就係性感,咁有啲衫都好sexy嘅。」 Ivana不再埋沒天賦本錢,男友Eric So又是否願意讓她性感?Ivana笑謂:「佢連《金雞sss》嘅吳璐都讚賞,如他所講最緊要專業,而且吳璐的sexy又唔同。」 此外,今次開演唱會,Eric So可有一早預訂門票以示支持?她口快快稱男友仲未買飛,不過他的朋友及同事都已託他代購門票。能夠得到咁多人支持,令Ivana既開心又感動。 撰文:Pauline 攝影:Lego 編輯:陳禮恒