收張紋嘉短訊 張惠雅:很討厭

張惠雅
張惠雅

前女子組合HotCha成員張惠雅(Regen),前日凌晨上載披頭散髮照留言:「如果有一天我突然暴斃,請不要驚訝……」情況令人擔心!昨日她解畫稱對「過勞或者唔知做咩突然瞓低」突然有覺悟,又指「地球是一個困住靈魂的地方」。她又表示有記者聯絡其舊隊友張紋嘉後,收到對方訊息,但其實2人「冇咩聯絡」:「大家都唔好再問我或者佢,我很討厭這樣。」記者就此聯絡張紋嘉,她只回應:「最緊要人冇事就得啦!」

此外,Regen昨日踩單車時整崩牙:「原本想聽日休息去補牙,但係諗諗吓有口罩又唔使拍嘢,都係唔補牙住,不過我想瞓耐少少,因為冇咗半隻牙都有點受驚。」