梁思浩邀入網台:畀份安穩收入佢

梁思浩有情有義,為韓君婷安排工作。
梁思浩有情有義,為韓君婷安排工作。

韓君婷深受財政問題困擾,幸好得到好友梁思浩、李思蓓及蔡國威等幫助,陪她渡過難關。與她過了2年同居生活的蔡國威,得聞對方申請破產相當愕然:「好Shock!完全唔知呢件事!可能我最近喺無綫開劇,返到屋企佢都瞓咗,少咗溝通。(向你求救?)向來唔會過問大家財政,佢都冇問過我借錢。(幫佢?)睇個數有幾大,畢竟我只係小演員,呢2年喺住屋同生活上都幫緊佢,喺能力範圍內,我都好想幫到呢位好朋友。」

至於梁思浩承認半個月前邀請君婷加盟其網台節目做主持,但對破產一事不願多談:「私人事交番畀佢講啦!(用超高價錢請佢?)一個令佢滿意嘅價錢,畀份安穩嘅收入佢。我只想講,如果佢有咩問題,唔使擔心,我會撐佢。」李思蓓亦坦言君婷向她提及過現況:「無論做咩決定,我都會支持,佢冇問過我借錢,因為唔想煩到朋友,寧願自己想辦法,但只要佢有需要,我隨時都會幫佢。」