BIGBANG演唱會黃牛騙局 至少18 Fans中招

自從韓風席捲全球之後,唔少人都變左哈韓族。每逢有韓星襲港都會引起哄動,尤其係舉行演唱會,每次都掀起撲飛熱潮更火速售罄,可謂一飛難求,好多人為咗睇偶像而不惜去網上買黃牛飛。近日就有騙徒喺網上趁機詐騙,仲搵艇仔吸客,當中3名受害者(包括艇仔)年齡介乎1425歲,前晚去咗警署報案,表示喺社交平台上向一名女子購買一共39張嘅演唱會門票,但轉帳5萬蚊去佢戶口之後就失去聯絡,懷疑自己受騙,暫時無人被捕。

BEAST
BEAST


就快喺香港舉行演唱會嘅韓國人氣組合BIGBANGBEAST,喺宣布嚟香港開演唱會嘅時候,唔少粉絲已經血脈沸騰超級期待。BEAST喺今個月30日舉行演唱會,而BIGBANG就喺61214日舉行3場演唱會,買到飛嘅朋友當然開心啦,買唔到飛嘅朋友當然想盡辦法去睇偶像演出。喺呢個時候有人就乘機斂財,一名女騙徒透過Instagram,話自己有內部認購門票出售,售價只係俾正價$1,888高少少以$1,950出售,咁嘅價錢對於買唔到飛嘅朋友來講當然非常吸引,唔少人都有向佢查詢。佢再用每張數百蚊嘅回佣去利誘一名14歲未成年女網友去幫佢招客,至今至少有18人俾錢後未收到門票。

化名Sandy14歲未成年艇仔,一共搵咗10個同學同埋8名網友幫佢買飛,佢仲將收到嘅3萬蚊轉帳到女騙徒嘅戶口,之後女騙徒用咗好多藉口,一時話攞緊,一時話自己大肚唔方便。Sandy過數之後一直攞唔到飛,之後佢見有購票者喺網上發文,先懷疑自己受騙。

其實炒飛只係比正價飛貴咗62蚊,但係佢就用每張數百蚊嘅回佣去利誘人去幫佢做艇仔,成件事係唔合邏輯㗎喎!