Now TV 用戶界面大革新,支援五個帳戶個人化專頁!

Winson Lam
·1 分鐘文章

文章來源:Qooah.com

如果問大家睇電視最緊要係咩?好多人都可能會答「有咩睇」。啱啊,不過另一樣重要因素相信必定係用戶體驗。Now TV 推出至今已經做過唔少次改革,而昨日正式宣佈推出界面大革新,做嘅正正係想提升用戶嘅使用體驗。

Now TV 今次推出全新個人化用戶介面,可支援最多五名家庭成員設定個人化專屬介面,每個介面內包括個人收看列表、個人喜愛的直播頻道及自選服務。只要一按 Now TV 遙控 器上的 Home 掣,就可以搵到已訂購嘅直播頻道、點播節目及即租即睇節目等。

另外,Now TV 個人化專屬介面會同 Now 隨身睇 App 同步。你亦可利用 Chromecast 或 AirPlay 功能,將 Now 隨身睇觀看中的電視節目,投射到電視上。

除咗推出個人化介面外,Now TV 今次都為用戶帶來全新自選服務 Now True,帶來屢獲世界各地殊榮的紀錄片、備受好評的人物傳記以及具啟發性的真實故事等高品質節目等。

為您推薦更多相關文章:

更多推薦文章在:Qooah.com

Like/讚好以獲得全面資訊:Qooah Facebook