【P出新境界】Cammi上載超S身形相片嚇親網民

當年只得16歲被指撞樣「NelNel」嘅謝芷蕙（Cammi），因網上流出與陳冠希嘅親密照而一啜成名。 話咁快Cammi已經24歲，大家唔好以為佢淨係時常周遊列國同high tea，佢近年都有做生意賺錢，佢已經係一個小富婆啦！Cammi除咗搵錢快之外，佢個樣都進化速度快，同當年酷似NelNel嘅五官，已經判若兩人。近年佢個樣仲進化到成個吹氣公仔咁，而身材亦都越嚟越似誇張，雖然過去佢曾經承認整容，話有割雙眼皮，鼻同下巴亦打過針。不過佢邊靚當然唔止整容，仲要靠佢超級純熟嘅P圖技巧。

P圖真係8至80歲女性嘅恩物，可以令你想要幾瘦有幾瘦，要變「九頭身」都完全冇難度，相信大家睇完Cammi喺IG上載嘅圖片，就知道佢嘅P圖技巧有幾咁犀利㗎啦！喺近日，Cammi又再上載靚相並留言：「比起愛你更喜歡了解，比起了解到更喜歡理解」相中Cammi擁有一個超S身形，玲瓏浮凸，不過網民們似乎唔係好buy，因為個頭好細同埋身形已經超出正常人應該有嘅正常比例，所以紛紛留言話：「P 得不合比例」、「失敗的p圖」、「P得過份了少少」、「胸比頭大了🤫」、「胸本來就不小還要p😂😂🙈 看得出手臂跟臉p瘦了哈哈 現在誰不p圖 但不要過火🙈🙈 p得自然一點吧哈哈」。