Raymond待客之道

【星島日報報道】物以類聚，小弟既屬為食鬼，當然甚多同道。其中之一，為「消防K」，此君不停周遊全香港，捐窿捐罅搵食，凡遇上好料，即第一時間向我匯報，再認為值得支持的，約埋去食番餐。 早前，K Sir捉 我去麥當勞道「特 飯店」（The One Restuarant），個名好鬼難讀，位置就在女青年會酒店之內，一邊為草根餐廳，另一邊為裝修較好的中菜廳，有少少舊。 呢餐同兩名紀律部隊高層一齊，組合充滿正氣，而上 的，則大部分是正菜！「消防K」聲明：「來呢處食好 ，必須預訂！」此時，揚一揚手，請出負責人Raymond Cheung：「Raymond對食極有研究，尤其海鮮，朝朝自己親到街市揀雞揀魚，由九龍挽番 。基於漁獲日日不同，只要你先畀預算，佢就當朝到街市搜羅，經常搵到罕有品種！」 之後，佢兩位猛咁交換食魚心得，我只坐 聽，覺得K及R皆對飲食文化非常認真上心。 一餐既罷，滿意，決定再試試Raymond功力，上周開出條件——十六人食飽，六千元左右，請設計菜單。一日內，已電郵傳來，共十二道菜：陳醋貓耳仔、鴛鴦鮮竹鴨、上湯蒜蓉牛油焗海蝦煎米粉底、千錘百鍊走地雞、琵琶鴨、大筍殼兩吃——香草牛油黑椒爆魚球及天麻川芎白芷紅棗王豬 燉頭骨腩、杞子銀杏鮮腐竹浸皇帝菜、南瓜欖菜肉碎炒飯、香荽滑蛋黃牛肉炒河、懷舊白糖糕及合桃酥、萬壽果蛋白杏仁茶，六千七百八十三元全包價。歎完之後，來個「為食報告」，整體廚房水準九十分。當中，海蝦野生，絕對難得！鮮竹鴨即素鴨，可得一百分！另外，本來去到尾已幾乎飽到碌地，但一啖滑蛋黃牛肉炒河入口，死得，冇法子停呀！呢餐，要向食神一鞠躬，感謝Raymond用心搜羅好材料！ 地址：中環麥當勞道一號女青年會酒店 電話：2849 3388 (阿碌開咪 曾智華) 副刊