SmarTone 幫你代繳手機月費？最多交半年有 $1,800 蚊！

文章來源：Qooah.com

疫情持續咗就快一年半，重創全球經濟。喺香港當然亦不能幸免，政府已公佈失業率創沙士以來新高。如果，咁唔好彩又俾人炒咗魷魚或者打開工果間公司執咗而令你失業無收入，而家 SmarTone 就推出咗個「手機月費代繳保障」，睇下幫唔幫到大家解決下燃眉之急。

SmarTone 今日就宣佈，由 2021 年 4 月 16 日起，客戶只要上台/續約指定 4.5G 或 5G 月費計劃，除可享現有上台/續約優惠外，更可額外獲「失業保障」，當客戶面臨非自願性失業時，可獲一筆過代繳 6 個月手機月費，金額可高達 $1,800，保障期 12 個月。

另外，上指定 5G 月費計劃更獲雙重保障，再送「新冠病毒保障」，如於 6 個月保障期內確診感染新型冠狀病毒，將獲一筆過代繳 6 個月手機月費，金額可高達 $1,800，更另有高達 $20,000 住院津貼。

優惠只適用於新客戶上台、指定現有客戶加開新號碼或指定現有客戶並選用指定流動電話月費計劃合約，須簽訂 12 個月或以上期限合約及繳付每月$18 之行政費（如適用）。

為您推薦更多相關文章：

更多推薦文章在：Qooah.com

Like/讚好以獲得全面資訊：Qooah Facebook