【Social扮工學】唔知講乜好 5招打開對話

扮工男女

打工仔好多時都要出席唔同場合,同人Social一下。就算好有Social經驗嘅人,都有機會遇到「唔知講乜好」嘅時候;何況係內向嘅怕醜扮工友,面對呢啲情況特別辛苦。

有外國職場專欄分享妙招,教扮工友無嘢講嘅情況下,如何避免尷尬Dead air,順利跟對方打開話匣子。有「打開話題困難症」嘅你,睇吓要點做。

1. 別逼自己要講得有趣

Social對話唔一定要好有趣先講得,故無需浪費時間諗啲好笑話題,亦都唔好怕自己講得唔好而唔出聲。畀啲勇氣出嚟,講吓自己擅長嘅嘢,都係一種魅力。

2. 先聆聽再問問題

好多人都鐘意講自己嘅事,除咗有啲自我主義,仲有因為係安全嘅話題,能在掌握之中。所以,當唔知講咩好嘅時候,不妨先做聆聽者,等到適當時機,提出切合剛才話題嘅問題,最好係開放式問題,才可延續對話傾落去。

3. 講飲講食必啱Channel

民以食為天,全世界都一樣。唔知講乜好的話,講飲講食一定無死,最簡單從品評宴會中嘅食物開始,成功製造話題;或者講吓過往旅行中嘅美食,一樣work

4. 傾無關痛苦癢嘅瑣事

同人Social,唔一定要談經濟民生呢啲「大事」。唔知講乜好,可以講吓自己嘅生活鎖事,記得預留空隙畀對方「搭嘴」。重點係,對方將來會記得同你dead air無偈傾咁尷尬,多過聽你講無聊生活鎖事。

5. 唔好做「百科全書」

學識淵博係好事,但唔適合係Social場合表現出來,因為無論別人講咩話題,你一係唔出聲,但一開聲就有你講無人講,修正對方講錯嘅嘢,嚇到人地講多句都唔敢,想唔dead air都唔得啦。Show off唔係唔得,但要適可而止。

來源:lifehack

===================

19網輕鬆爆料熱線,歡迎舉報老細同事19惡行,立即click入去講畀我哋知啦

其他內容