T裇領口鬆晒 出呢招有救!

19+

 

大熱天時,背心唔係咩場合都著得,T裇真係小涼伴。

 

但係,而家啲衫冇以前咁講究,

件tee著得一年半載,領口就會“wear“,著到個人好頹咁,

買過件又唔係,當睡衣又太浪費,可以點?

 

充滿生活小智慧嘅日本電視節目,就教你點樣保持領口「圓潤」。

 

留意返,只適用於100%棉質tee~

原來領口會鬆,係因為洗完衫之後,衣物上嘅水份拉扯T裇造成。

乜都可以有專家嘅日本,

就搵到洗衣專家教路。

步驟一,將領口反覆摺成波浪型,再用冰水浸濕領口,然後用掐飯團手勢揸返乾。

步驟二,攤平件衫,用手將領口,垂直上下推平。

步驟三,用熨斗,都係垂直上下方向推平。平就得,唔駛熨乾!

 

之後就將件衫打平晾乾。

 

結果真係得,新衫一樣!

預防勝於治療(?!),唔想次次都要救衫,

洗完嘅tee記得要用2個衣架嚟晾乾呀。

 

原文傳送門

你可能還想看