今年TVB終於有重頭劇出街,今晚開播嘅《家族榮耀之繼承者》,故事同《家族榮耀》無關連,但上輯食住疫情個個留家睇電視令收視唔錯,而今輯出街時間亦剛剛好 - 佘詩曼食住《新聞女王》氣勢,加上林峯喺《九龍城寨之圍城》令人刮目相看,絕對吸到遊離觀眾。再者,呢期何伯何太事件,都令唔少人睇返TVB……
2022年劇集《家族榮耀》因勾心鬥角劇情及實力派演員演技大鬥法,成功吸引唔少觀眾收睇,劇組去年落實開拍續集《家族榮耀之繼承者》,劇集即將喺TVB播出,而日前(4月30日)亦播出首條宣傳片,17名主演大頭喺片中全面曝光,各人各懷鬼胎,再加上配以「豪門上流全員惡鬥」及「家人即地獄」等字句,相信播出時將會掀起一陣煲劇熱潮。