TVB都會愛情劇《婚後事》以唔同主角嘅第一身視點敘事,圍繞四大章節「離婚」、「不忠」、「錯愛」及「修復」去探討愛情及婚姻別具爭議性嘅議題。劇集自播出以嚟好評滿滿,連帶主演嘅羅子溢、陳自瑤、黎諾懿、賴慰玲、羅天宇及王敏奕人氣急升。噚晚第8集就以程天暉(羅天宇飾)角度出發,而標題就係「約炮世代,無所謂不忠」,佢一開始半裸躺喺劏房床上,旁邊就有準人妻炮友Ta(陳熙蕊飾),似乎佢哋啱啱完事,之後佢仲不停通過交友app約炮,而且個個都係靚女。
《再見枕邊人 》可以話係廿幾年前《婚前昏後》嘅暗黑版 - 女記者黃智雯喺印尼因意外昏迷多年,醒返返香港之後驚見老公馬德鐘同多年紅顏知己準備結婚,阿仔又對佢疏離。隨住時間推進,黃智雯漸漸揭開唔少秘密。