前港姐徐菁遙(前名徐淑敏)2009年與比佢年長12年嘅商人黃浩結婚,先後誕下三女,分別為大女黃心瑤(Vianna)、次女黃心柔(Renee)及幼女黃心誼(Isabella),亦淡出幕前專心照顧家庭,不時於社交平台曬出一家人嘅幸福美照,唔少網民都覺得三個女兒未有遺傳媽媽嘅美貌,反而與爸爸黃浩似足餅印;不過,徐菁遙近日分享與大女黃心瑤慶祝14歲生日照片並寫道:「Happy birthday to you. #sweet14 #happybirthdaytomydear」;從照片中見到,囡囡輪廓開始似徐菁遙,亦散發陣陣少女味。