YouTube頻道微辣前經理人阿晶(Jane)上年7月份喺IG剖白自己喺患上抑鬱症及被微辣成員集體欺凌嘅事件始末,數日後就發生輕生事件,微辣頻道亦宣布暫停更新,一眾微辣旗下藝人遭到大批網民聲討及抵制。事件發生接近一年,唔少網民仍然記憶猶新,而潛咗水嘅微辣藝人喺今年逐漸上水,繼Doris多姐(李天慧)高調喺YouTube出新片之外,Rachel (劉藴晴)及雞wing(陳康榮) 都有喜事宣布,但網民反應兩極。