TVB劇集《狀王之王》即將於22日迎來大結局,查案劇情故事令觀眾印象深刻之外,多年無喺TVB亮相嘅陳浩民客串演繹角色「陳夢吉」,與宋世傑(王浩信飾)於公堂上舌劍唇槍亦令人驚喜。陳浩民於接受媒體訪問時,表示是次雖然只係得45分鐘公堂戲,但落力拍足4日,自己亦有加入一啲演《濟公》嘅元素,直言好好玩及唔夠喉。
TVB新劇《狀王之王》搵嚟視帝王浩信、姚子羚、金剛、王子涵、陳楨怡、林子聰、張達明、陳浩民及鄧伊婷莊鍶敏等人演出,劇情主要講述聰敏機靈嘅宋世傑(王浩信飾)曾以「秀才」資質考獲「榜眼」資格,不過佢無心戀戰官場,只係暗中相助同試考生何守信(林子聰飾)中舉,而佢就同好友阿九(金剛飾)浪遊天下。直至佢被捲進「蜘蛛精殺人案」,宋世傑及阿九因與案中其中一名死者有過節,而被鎖定為頭號殺人嫌疑犯。最終佢成功憑三寸不爛之舌為自己洗脫嫌疑,並決定潛入...